Маица

Меѓу мажите, маиците се многу омилена облека. Но во последно време за нив се повеќе се одлучуваат и жените, зашто нивните предности се многубројни. Има многу различни маици наменети за жени, што значи дека секоја може да избере онаква каква што и одговара на нејзината желба и вкус.

Можете да избирате помеѓу широки и тенки прерамки. Исто така, во изборот може да се додаде и доработена маица со пенести корпи. Станува збор за долна облека „два во еден“: градник и маица споени во едно парче.

При изборот на маица, одлуката зависи од материјалот. Кога станува збор за секојдневното носење, некои жени повеќе се одлучуваат за природни материјали, како што се памук и модал, други повеќе сакаат женствена долна облека, па и за маица бираат тантела, вез и модерни кројки. При избор на маица морате да водите сметка и за тоа што ќе облечете врз неа, дали ќе се гледа под облеката или ќе ја носите првенствено за да не ви студи. Секако, можете да се одлучите и за целосно самостојно носење.

ТРИ ПРИЧИНИ ЗАШТО ДА СЕ НОСИ МАИЦА

1. Уживајте во топлината и удобноста

Меката маица во студените денови ве штити од студенилото. Исто така, на луѓето со чувствителна кожа им обезбедува заштита и удобност, зашто шевовите и копчињата при носење на горната облека може да иритираат. Затоа, маицата овозможува уживање во сите омилени модни парчиња. Изразете ја својата креативност и никогаш не помислувајте на неудобност.

2. Камуфлажа под проѕирни кошули

Честа причина за носење маица е затскривање. Ако врз градникот облечете маица, а врз неа ставите проѕирна кошула или блуза, ќе ги зачувате пристојноста и модерниот изглед (особено ако се одлучите за женствен изглед со тантела или вез , со тенки прерамки). Доколку така се чувствувате опуштено, со вистински избор на маица можете да го покриете своето деколте.

3. Ја разубавува вашата линија

Ако ви е непријатно поради масните перничиња, маицата може да ве спаси зашто помага при криењето на нерамнините под горниот слој облека. Ако одоздола имате маица, таа ќе ви обезбеди значително помазен и порамномерен изглед под кошулите, блузите и фустаните.